Түүхэн замнал
БНМАУ-ын Сайд нарын Зөвлөлийн 1972 оны 02 дугаар сарын 04- ний өдрийн 32 дугаар тогтоолоор Дорноговь аймгийн Эрчим хүчний үйлдвэрийг байгуулах шийдвэр гарч, 1972 оны 04 дүгээр сарын 01- ний өдрөөс цахилгаан эрчим хүч үйлдвэрлэх үйлдвэрийн захиргаа байгуулагдсан нь тус үйлдвэрийн анхдагч суурь болсон юм.
1986 оны 11 дүгээр сард тус бүр 25 тн уур гаргах чадалтай КЕ-25/14 маркийн 3 зуухыг ашиглалтанд оруулсанаар Эрчим Хүчний нэгдсэн үйлдвэр болж аймгийн төвийн үйлдвэр, албан газар, хэрэглэгчдийг цахилгаан Эрчим хүч, төвлөрсөн дулаан, технологийн уураар хангах болсон.
1987 оны 12 дугаар сард 35 кВт-ын өндөр хүчдэлийн шугамаар Төвийн эрчим хүчний нэгдсэн системд холбогдсон нь тус үйлдвэрийн найдвартай ажиллагааг хангахад чухал нөлөө үзүүлсэн.
1997 онд цахилгаан шугам сүлжээг Багануурын Цахилгаан шугам сүлжээний харъяалалд шилжүүлж, Зүүнбаянгийн дулааны станцыг нэгтгэлдээ авч өргөжин Эрчим хүчний үйлдвэр болгон өөрчилсөн.
1956 онд аймгийн Засаг даргын захирамжаар Үйлчлэх товчоо нэртэйгээр анх байгуулагдсан. 1968 онд нийгэм халамжийн товчоо нэртэй болсон. Тэр үед уурын зуухны 4 обьекттой, уурын зуух нь 54-ийн 2 тогоо, халуун усны 1 котельтэй, цэвэр усан хангамжийн сүлжээ байхгүй зөөврийн устай байсныг 1970 оны 06 дугаар сард 12, 18 айлын орон сууцыг цэвэр усан хангамжтай болгож 250 м цэвэр усны шугам тавьсанаар Дорноговь аймгийн хэмжээнд анхны усан хангамжтай барилга орон сууц бий болсон. Тухайн үед аймгийн төв нь төмөр замын шугамаас ус авдаг өөрийн гэсэн усгүй байсан.
1972 оны 03 дугаар сард БНМАУ-ын сайд нарын зөвлөлийн тогтоолоор Үйлдвэрлэл хоршооллын төв зөвлөл, НААҮТовчоог нэгтгэн НААҮЯам байгуулж Дорноговь аймагт НААҮГазар, Ахуй үйлчилгээний комбинат байгуулагдсан.
1989 оноос нийтийн аж ахуйн үйлчилгээний газар, Орон сууц нийтийн аж ахуйн газар нэртэйгээр 2 тусдаа үйл ажиллагаа явуулсан.
1997 онд ОСНААГазарт Усны аж ахуйн удирдах газрын харъяанд байсан алсын худгуудыг /одоогийн гүний худаг болон насос станцууд/ ОСНААГазарт харъяалуулсанаар аймгийн төвийн цэвэр усан хангамжийн үйл ажиллагаа НААБайгууллагат төвлөрсөн.
1999 онд Аймгийн Орон сууц, нийтийн аж ахуйн газар, Эрчим хүчний үйлдвэр гэсэн томоохон 2 аж ахуйн нэгжийг нэгтгэснээр Сайншанд хотын албан байгууллага, аж ахуйн нэгжүүд, иргэд, хэрэглэгчид, орон сууцанд оршин суугчдын усан хангамж, ариутгах татуурга, дулаан хангамж, хот тохижилтын ажил үйлчилгээг хариуцан эрхлэх чиг үүрэг бүхий “Чандмань-Илч” Улсын Үйлдвэрийн Газар болон өргөжсөн.
Мөн оны 6 дугаар сард Зүүнбаянгийн усан халаалтын зуух, цэвэр, бохир усан хангамжийн системийг дахин нэгтгэж хариуцах болсон.
Аймгийн Засаг даргын 2003 оны 07 дугаар сарын 10- ны өдрийн 232 тоот захирамжаар “Чандмань- Илч” ОНӨ ХХК болж өөрчлөгдсөн.
2007 онд Монголросцветмет нэгтгэлийн харъяа Иххэт, Айраг сумдын уурхайн халаалтын зуух, цэвэр усан хангамж, ариутгах татуургын системийг тусгаарлан орон нутгийн өмчид шилжүүлж “Чандмань-Илч” ХХК-д харъяалуулсан.
2009 онд Монголросцветмет нэгтгэлийн харъяа Өргөн сумын уурхайн халаалтын зуух, цэвэр усан хангамж, ариутгах татуургын үйл ажиллагааг хариуцуулан ажиллуулах болсон.
Үйл ажиллагааны өнөөгийн байдал
Үйлдвэрлэлийн үндсэн үйл ажиллагаа:
Хөгжлийн тэргүүлэх зорилтууд
Эрхэм зорилго
Хэрэглэгчдийг чанартай дулаанаар, үйлдвэрлэлийн болон унд ахуйн стандартад тохирсон цэвэр усаар тасралтгүй хангаж, экологийн тэнцвэрийг хадгалах шалгуурт нийцэх усыг байгальд нийлүүлнэ.
Алсын хараа
Үйлдвэрлэл үйлчилгээний найдвартай ажиллагааг хангах орчин үеийн дэвшилтэт технологид суурилсан байгаль орчинд ээлтэй техник технологийг үйлдвэрийн үйл ажиллагаанд нэвтрүүлж, Хөдөлмөрийн аюулгүй байдал, эрүүл ахуйн эрсдэлгүй үйлдвэр байх.