Монголын мэргэшсэн нягтлан бодогчдын институт (ММНБИ)-ын удирдах зөвлөл, аймгуудын салбар зөвлөлийн дарга нарын зөвлөгөөн 2020.09.12-13ны өдрүүдэд Дорноговь аймагт болж өнгөрлөө. Зөвлөгөөнд оролцогчид хөтөлбөрийн хүрээнд “Чандмань-Илч” ОНӨ ХХК-ийн санхүү, бүртгэлийн үйл ажиллагааны ололт амжилтын талаархи туршлагатай танилцав. Компанийн ерөнхий нягтлан бодогч МНБ Б.Ган-Эрдэнэ компанийн бүртгэлийн үйл ажиллагаанд ашиглаж байгаа өөрсдийн зохиосон программ хангамжууд болон цаашид нягтлан бодох бүртгэлд хиймэл оюун ухаан (программ хангамжууд)-ыг ашиглах боломжийн талаар илтгэл тавьж зөвлөгөөнд оролцогчдын саналыг сонслоо.

Монгол улсын гавъяат эдийн засагч, доктор, профессор Р.Батжаргал “Чандмань-Илч” ОНӨ ХХК-ийн бүртгэлийн бодлого, салбартаа нэвтрүүлж буй санхүүгийн үйл ажиллагааны программ хангамжуудыг онцлон сайшааж, компанийн ерөнхий нягтлан бодогч Б.Ган-Эрдэнэд Монгол улсын Нягтлан бодох бүртгэлийг хөгжүүлэхэд оруулж буй хувь нэмрийг үнэлж талархал дэвшүүлж цаашдийн бүртгэлийн ажилд нь амжилт хүслээ. Мөн Сангийн яамны Нягтлан бодох бүртгэлийн бодлогын газрын дарга, ММНБИ-ийн дэд ерөнхийлөгч Ч.Чимэдсүрэн “… нягтлан бодох бүртгэлийн үйл ажиллагааг цогцоор нь өөрсдийн зохиосон программ хангамжуудаар шийдвэрлэж буйд баяр хүргэж, энэхүү туршлагаа бусад салбартаа танилцуулах, нэвтрүүлэх талаар идэвхи санаачлагатай ажиллахыг уриалав”.

2018 оноос хойш 3 дахь жилдээ уламжлал болон зохион байгуулагдаж байгаа “Автомашингүй, архигүй, тамхигүй өдөр” өнөөдөр “Иргэн төвтэй соён гэгээрүүлэх өдөрлөг” нэртэйгээр зохион байгуулагдаж байна.
Дээрх өдөрлөгийн хүрээнд Чандмань-Илч ХХК байгууллагын үйл ажиллагааг иргэдэд нэг цэгээс хүргэх, иргэдийн өргөдөл гомдлыг шийдвэрлэх, үнэ тарифын талаар болон бусад заавар зөвлөгөө өгөн ажиллаж байна

2020 оны 08 сарын 29-ны өдөр УИХ-ын гишүүн Т. Энхтүвшин, Барилга хот байгуулалтын сайд Б. Мөнхбаатар, БХБЯ-ны НААА-н Бодлого хэрэгжилтыг зохицуулах хэрэгжилтын газрын дарга О. Лхагвацэрэн нар Чандмань-Илч ХХК-ний өнөөгийн үйл ажиллагаатай танилцаж компаний удирдлагуудтай санал солилцлоо.

“Чандмань-Илч ХХК”-ийн захирал Т.Азбаяр Барилгын хөгжлийн төвийн удирдлагуудад Сайншанд хотод нэвтрүүлсэн “Ус хангамж, хяналт удирдлагын автомат системийг танилцууллаа.

Хяналт удирдлагын системийг нэвтрүүлж, нэгдсэн үйл ажиллагааг автоматжуулснаар багагүй зардал хэмнэж,эдийн засгийн үр ашигтай ажиллах бүрэн боломжтойг онцоллоо.

Монгол инженерүүдийн ур ухаан мэдлэг чадвар хөдөлмөр зүтгэл улс орны барилга, нийтийн аж ахуйн салбарын хөдөлгөх хүч нь болж улсынхаа хөгжилд үнэтэй хувь нэмрээ оруулсаар байна.
Идэвх санаачилгатай ажиллаж буй тус хамт олонд Барилгын хөгжлийн төвийн захирал Ц.Амарсанаа баяр хүргэж амжилт хүслээ.

Эх сурвалж: Барилгын хөгжлийн төв

Орон сууц, нийтийн аж ахуйн салбарын Удирдах ажилтны уулзалт семинар -2020 Төв аймгийн Зуунмод суманд боллоо. Зөвлөгөөн семинарт Орон сууц, нийтийн аж ахуйн салбарын 120 гаруй удирдах ажилтан оролцож, салбарын бодлогын хүрээнд санал бодлыг нь сонсох цаашдын зорилго чиглэлээ тодорхойлон оролцож байна. Нийтийн аж ахуйн салбар нь хүний үндсэн эрх болох баталгаат ундны ус, ариун цэврийн байгууламжаар хангагдах эрхийг хангах хүрээнд төр засгаас онцгойлон анхаарч жил бүр нэлээдгүй хөрөнгө оруулалтыг улсын төсвөөс санхүүжүүлж ирэв. БХБСайдын багцад 2016-2019 онуудад нийт 326,1 тэрбум төгрөг батлагдсанаас 159,0 тэрбум төгрөгийг нийтийн аж ахуйн салбарт хөрөнгө оруулалт болгон оруулсан байна. Гэсэн ч бодлогын хэмжээнд авч хэрэгжүүлэх асуудлууд байгааг удирдах ажилтнууд онцолж байлаа. Түүнчлэн нийтийн аж ахуйн салбарынхны нийгмийн амьжиргаа, цалин хөлсний асуудлууд ч хөндөх сэдэв байсаар удаж байгаагаа ч дурьдлаа. Салбарынхны хувьд болж байгаагаа дурьдаж болохгүйгээ хэлэлцэж ирэх онуудад хийх ажлуудаа төлөвлөх хурал боллоо хэмээн онцолсон.

Барилга хот байгуулалтын сайд Б.Мөнхбаатар үгэндээ Нийтийн аж ахуйн салбарынхнаа дэмжиж, уялдаа холбоотой ажиллахаа илэрхийллээ.

Салбарт БНХАУ -ын хөнгөлттэй 249,6 ам.долларын зээлээр 250,000м3/хоног хүчин чадалтай цэвэрлэх байгууламжийн барилга угсралтын ажил хийгдэж байна. Мөн АНУ -ын Мянганы сорилтын сангийн 350 сая ам.долларын буцалтгүй тусламжаар Улаанбаатар хотын ус хангамжийн 140.000 м3 /хоног хүчин чадалтай баруун эх үүсвэрийн барилга байгууламж, шугам сүлжээ, мөн цэвэрлэх байгууламжийн цэвэрлэсэн усыг дахин боловсруулах технологийн зориулалтаар ашиглах 50.000м3 хоног хүчин чадалтай үйлдвэр шугам сүлжээг барьж байгуулах ажлын бэлтгэл хийгдэж байна.
Азийн хөгжлийн банкны санхүүжилтээр Булган, Дархан Уул, Дорноговь, Өмнөговь, Дундговь, Сүхбаатар, Хөвсгөл, Хэнтий аймгийн төв Өвөрхангай аймгийн Хужирт сумын цэвэрлэх байгууламжийн барилга угсралтын ажил гэх мэт томоохон ажлуудыг гүйцэтгэж байна. Эдгээр төслүүд хэрэгжсэнээр Монгол Улсын нийслэл болон 14 аймгийн төв орчин үеийн технологи бүхий дэвшилтэт цэвэрлэх байгууламжтай болж байгаа юм.

Эх сурвалж: Барилгын хөгжлийн төв