Захирлын мэндчилгээ

Манай байгууллагын цахим хуудсаар зочилж буй таньд энэ өдрийн мэндийг хүргэж аймаг орон нутгийн бүтээн байгуулалт, хүн амын ажиллаж амьдрах таатай нөхцөлийг бүрдүүлэх, үйлдвэрлэл үйлчилгээний жигд найдвартай ажиллагааг хангахын төлөө итгэл, сэтгэл зүрхээ зориулан ажиллаж байгаа хөдөлмөрч хамт олныхоо чин сэтгэлийн мэндийг уламжилья.

Бид хэрэглэгчдийг дулааны эрчим хүч, унд ахуйн стандартад тохирсон цэвэр усаар тасралтгүй хангаж, цаг үетэйгээ нийцүүлэн сүүлийн үеийн дэвшилтэд техник технологийг нэвтрүүлэн, усны аюулгүй байдлыг хангах, баталгаат ус хангамж, ариутгах татуургын үйлчилгээний хүртээмжийг нэмэгдүүлж, чанарыг сайжруулах, боловсон хүчнийг чадавхжуулах, үйл ажиллагааныхаа цар хүрээг өргөтгөн, үйлдвэрлэлийн үр ашгийг дээшлүүлэн хэрэглэгч харилцагчдынхаа итгэлийг хүлээсэн эвсэг бүтээлч хамт олныг бүрдүүлэх эрхэм зорилготой ажиллаж байна.

Энэ зорилгынхоо хүрээнд бид Сайншанд сумын бүх ус түгээх байрыг ухаалаг системд шилжүүлж, ус хангамжийн эх үүсвэрийг автоматжуулан, хэрэглэгчдэд зориулсан гар утасны аппликейшнийг нэвтрүүлэн ажиллаж байгаагаас гадна ажилтнуудынхаа нийгмийн асуудал, эрүүл мэнд, мэдлэг боловсрол руу хандсан ажлуудыг тогтмол зохион байгуулж байна.

Компанийн цаашдын хөгжил, дэвшил болон бидний үйл ажиллагаандаа шударга ёсыг эрхэмлэн ил тод, нээлттэй, хариуцлагатай, чадварлаг, шуурхай байх зарчмыг дээдлэн ажиллахад хэрэглэгч та бүхний оролцоо, зөвлөмж, санаачилга үнэтэй хувь нэмрээ оруулах юм.

Эрхэм хүндэт та бүхэнд ус хангамж, ариутгах татуургын салбарын үйлчилгээний үр шимийг дээшлүүлж, найдвартай үйлчилгээ, шинэ боломж, сонголтуудыг бий болгон тав тухтай амьдрах, ажиллах орчин нөхцөлийг бүрдүүлэхийн төлөө та бүхэнтэй хамтран ажиллахдаа үргэлж таатай байх болно гэдгээ илэрхийлж байна.

Хүндэтгэсэн,
“ЧАНДМАНЬ-ИЛЧ” ХХК-ийн ЗАХИРАЛ Д.ЭРДЭНЭБАЯР