2022 оны 03-р сарын 25-нд компанийн 35 жилийн ойн хүрээнд “Компанийн хөгжлийн чиг хандлага” сэдэвт онол практикийн бага хурал “Саран Хөхөө” театрт амжилттай зохион байгуулагдлаа. Бага хуралд аймаг, орон нутгийн удирдлагууд, Эрчим хүчний зохицуулах хорооны төлөөлөл, иргэд, ажилчид, албан хаагчид өргөнөөр оролцлоо. Онол практикийн бага хурлаар орон нутгийн дулаан хангамжийн чиг хандлага, орон нутгаас хэрэгжүүлж байгаа бодлого шийдвэр, хэрэгжүүлэх арга замууд, дулаан үйлдвэрлэлийн хөгжлийн чиг хандлага, төрийн бодлогыг компанийн чиг үүрэгтэй хэрхэн уялдуулах, Эрчим хүчний зохицуулах зөвлөлөөс баримталж буй бодлого гэх зэрэг асуудлуудаар нийт 7 илтгэл танилцуулга явагдаж, хэлэлцүүлэг өрнүүллээ. Бага хурлаас гарсан саналуудыг нэгтгэж компанийн холбогдох бодлогын баримт бичгүүдэд тусган хэрэгжүүлэх, санхүү, хөрөнгө оруулалтыг улс, орон нутгийн төсөвт тусгуулах саналыг хүргүүлэх болно.